Sanctum Rosariumet aliae preces Signum Crucis I n nómine Patris, † et Filii et Spiritus Sancti. Amen. Symbolum Apostolorum C P redo in Deum Patrem omnipotentem, Creatorem caeli et terrae. Et in Iesum Christum, Filium eius unicum, Dominum nostrum, qui conceptus est de Spiritu Sancto, natus ex Maria Virgine, passus sub Pontio Pilato, crucifixus, mortuus, et sepultus, descendit ad inferos, tertia die resurrexit a mortuis, ascendit ad caelos, sedet ad dexteram Dei Patris omnipotentis, inde venturus est iudicare vivos et mortuos. Credo in Spiritum Sanctum, sanctam Ecclesiam catholicam, sanctorum communionem, remissionem peccatorum, carnis resurrectionem, vitam aeternam. Amen. Oratio Dominica ater noster, qui es in caelis, sanctificetur nomen tuum. Adveniat regnum tuum. Fiat voluntas tua, sicut in caelo et in terra. Panem nostrum quotidianum da nobis hodie, et dimitte nobis debita nostra sicut et nos dimittimus debitoribus nostris. Et ne nos inducas in tentationem, sed libera nos a malo. Amen Ave Maria A G ve Maria, gratia plena, Dominus tecum. Benedicta tu in mulieribus, et benedictus fructus ventris tui, Iesus. Sancta Maria, Mater Dei, ora pro nobis peccatoribus, nunc, et in hora mortis nostrae. Amen. Doxologia Minor loria Patri, et Filio, et Spiritui Sancto. Sicut erat in principio, et nunc, et semper, et in saecula saeculorum. Amen. Oratio Fatimae mi Iesu, dimitte nobis debita nostra, libera nos ab igne inferni, conduc in caelum omnes animas, praesertim illas quae maxime indigent misericordia tua. O 2 Mysteria Gaudiosa (in feria secunda et sabbato) Primum mysterium gaudiosum: Annuntiatio I n mense autem sexto missus est angelus Gabriel a Deo in civitatem Galilaeae, cui nomen Nazareth, ad virginem desponsatam viro, cui nomen erat Ioseph de domo David, et nomen virginis Maria. (Lc 1, 26 – 27) “Plenitudo temporis” (Gal 4,4), id est, promissionum et praeparationum adimpletio Annuntiatione ad Mariam sumit initium. (CCE, 484) 3 Secundum mysterium gaudiosum: Visitatio E xsurgens autem Maria in diebus illis abiit in montana cum festinatione in civitatem Iudae et intravit in domum Zachariae et salutavit Elisabeth. Et factum est, ut audivit salutationem Mariae Elisabeth, exsultavit infans in utero eius, et repleta est Spiritu Sancto Elisabeth et exclamavit voce magna et dixit: “Benedicta tu inter mulieres, et benedictus fructus ventris tui”. (Lc 1, 39 – 42) Sic “Visitatio” Mariae ad Elisabeth effecta est visitatio Dei populo Eius. (CCE, 717) 4 Tertium mysterium gaudiosum: Nativitas F actum est autem, in diebus illis exiit edictum a Caesare Augusto, ut describeretur universus orbis. Haec descriptio prima facta est praeside Syriae Quirino. Et ibant omnes, ut profiterentur, singuli in suam civitatem. Ascendit autem et Ioseph a Galilaea de civitate Nazareth in Iudaeam in civitatem David, quae vocatur Bethlehem, eo quod esset de domo et familia David, ut profiteretur cum Maria desponsata sibi, uxore praegnante. Factum est autem, cum essent ibi, impleti sunt dies, ut pareret, et peperit filium suum primogenitum; et pannis eum involvit et reclinavit eum in praesepio, quia non erat eis locus in deversorio. (Lc 2, 1 – 7) Iesus in stabuli humilitate natus est, in familia paupere; simplices pastores testes eventus sunt primi. In hac paupertate manifestatur gloria caeli. (CCE, 525) 5 Quartum mysterium gaudiosum: Præsentatio E t postquam consummati sunt dies octo, ut circumcideretur, vocatum est nomen eius Iesus, quod vocatum est ab angelo, priusquam in utero conciperetur. Et postquam impleti sunt dies purgationis eorum secundum legem Moysis, tulerunt illum in Hierosolymam, ut sisterent Domino, sicut scriptum est in lege Domini: “Omne masculinum adaperiens vulvam sanctum Domino vocabitur”, et ut darent hostiam secundum quod dictum est in lege Domini: par turturum aut duos pullos columbarum. (Lc 2, 21 – 24) Iesu circumcisio, octo post Eius Nativitatem dies, signum est insertionis Eius in Abraham descendentiam, in Foederis populum, Eius submissionis Legi. (CCE, 527) 6 Quintum mysterium gaudiosum: Inventio in templo E t ibant parentes eius per omnes annos in Ierusalem in die festo Paschae. Et cum factus esset annorum duodecim, ascendentibus illis secundum consuetudinem diei festi, consummatisque diebus, cum redirent, remansit puer Iesus in Ierusalem, et non cognoverunt parentes eius. Existimantes autem illum esse in comitatu, venerunt iter diei et requirebant eum inter cognatos et notos; et non invenientes regressi sunt in Ierusalem requirentes eum. Et factum est, post triduum invenerunt illum in templo sedentem in medio doctorum, audientem illos et interrogantem eos; stupebant autem omnes, qui eum audiebant, super prudentia et responsis eius. (Lc 2, 41 – 47) Iesu inventio in Templo solus est eventus qui Evangeliorum de annis occultis Iesu rumpit silentium. Ibi Iesus Suae totalis consecrationis missioni e Sua filiatione divina provenienti mysterium permittit suspicari: “Nesciebatis quia in his, quae Patris mei sunt, oportet me esse?”. (CCE, 534) 7 Mysteria Dolorosa (in feria tertia et feria sexta) Primum mysterium dolorosum: Agonia in Horto Tunc venit Iesus cum illis in praedium, quod dicitur Gethsemani. Et dicit discipulis: “Sedete hic, donec vadam illuc et orem”. Et assumpto Petro et duobus filiis Zebedaei, coepit contristari et maestus esse. Tunc ait illis: “Tristis est anima mea usque ad mortem; sustinete hic et vigilate mecum”. Et progressus pusillum, procidit in faciem suam orans et dicens: “ Pater mi, si possibile est, transeat a me calix iste; verumtamen non sicut ego volo, sed sicut tu”. (Mt 26, 36 – 39) Talis autem colluctatio talisque victoria possibiles non sunt nisi oratione. Per orationem, Iesus victor est Tentatoris, inde ab initio et in ultima Suae agoniae colluctatione. (CCE, 2.849) 8 Secundum mysterium dolorosum: Flagellátio Iesu Tunc ergo apprehendit Pilatus Iesum et flagellavit. Et milites, plectentes coronam de spinis, imposuerunt capiti eius et veste purpurea circumdederunt eum; et veniebant ad eum et dicebant: “ Ave, rex Iudaeorum! ”, et dabant ei alapas. (Io 19, 1 – 3) Iesu passio suam historicam sumpsit formam eo quod reprobatus est “a senioribus et a summis sacerdotibus et scribis” (Mc 8,31), qui tradiderunt “Eum gentibus ad illudendum et flagellandum et crucifigendum” (Mt 20,19). (CCE, 572) 9 Tertium mysterium dolorosum: Coronatio spinis Tunc milites praesidis suscipientes Iesum in praetorio congregaverunt ad eum universam cohortem. Et exuentes eum, clamydem coccineam circumdederunt ei et plectentes coronam de spinis posuerunt super caput eius et arundinem in dextera eius et, genu flexo ante eum, illudebant ei dicentes: “ Ave, rex Iudaeorum! ”. (Mt 27, 27 – 29) Hic amor in finem sacrificio Christi confert valorem Redemptionis et reparationis, expiationis et satisfactionis. Ille nos omnes cognovit et amavit in vitae Suae oblatione. (CCE, 616) 10 Quartum mysterium dolorosum: Baiulatio crucis Et angariant praetereuntem quempiam Simonem Cyrenaeum venientem de villa, patrem Alexandri et Rufi, ut tolleret crucem eius. Et perducunt illum in Golgotha locum, quod est interpretatum Calvariae locus. (Mc 15, 21 – 22) Suam Mortem acceptat quatenus redemptricem ut “peccata nostra Ipse” perferat “ in corpore Suo super lignum” (1 Pe 2,24). (CCE, 612) 11 Quintum mysterium dolorosum: Crucifixio et mors Et postquam venerunt in locum, qui vocatur Calvariae, ibi crucifixerunt eum et latrones, unum a dextris et alterum a sinistris. Iesus autem dicebat: “Pater, dimitte illis, non enim sciunt quid faciunt ”. Et erat iam fere hora sexta, et tenebrae factae sunt in universa terra usque in horam nonam, et obscuratus est sol, et velum templi scissum est medium. Et clamans voce magna Iesus ait: “ Pater, in manus tuas commendo spiritum meum ”; et haec dicens exspiravit. (Lc 23, 33. 44 – 46) “Christus mortuus est pro peccatis nostris secundum Scripturas” (1 Cor 15,3). (CCE, 619) 12 Mysteria Luminosa (in feria quinta) Primum mysterium luminosum: Baptisma apud Iordanem Baptizatus autem Iesus, confestim ascendit de aqua; et ecce aperti sunt ei caeli, et vidit Spiritum Dei descendentem sicut columbam et venientem super se. Et ecce vox de caelis dicens: “Hic est Filius meus dilectus, in quo mihi complacui ”. (Mt 3, 16-17) Initium vitae publicae Iesu est Eius baptismus a Ioanne in Iordane peractus. Ioannes “baptismum paenitentiae in remissionem peccatorum” proclamabat (Lc 3,3). (CCE, 535) 13 Secundum mysterium luminosum: Autorevelatio apud Cananense matrimonium Et die tertio nuptiae factae sunt in Cana Galilaeae, et erat mater Iesu ibi; vocatus est autem et Iesus et discipuli eius ad nuptias. Et deficiente vino, dicit mater Iesu ad eum: “ Vinum non habent ”. Et dicit ei Iesus: “Quid mihi et tibi, mulier? Nondum venit hora mea”. Dicit mater eius ministris: “ Quodcumque dixerit vobis, facite ”. (Io 2, 1-5) Iesus, in Suae vitae publicae limine, Suum primum signum — ob matris Suae petitionem — in quodam matrimonii festo est operatus. Ecclesia magni fecit Iesu praesentiam in nuptiis Canae. Ibi confirmationem perspicit bonitatis matrimonii ibique annuntiari matrimonium exinde signum efficax praesentiae Christi esse futurum. (CCE, 1613) 14 Tertium mysterium luminosum: Regni Dei proclamatio coniuncta cum invitamento ad conversionem “Impletum est tempus, et appropinquavit regnum Dei; paenitemini et credite evangelio”. (Mc 1, 15) Omnes homines ad Regnum ingrediendum vocantur. Hoc Regnum messianicum, imprimis filiis Israel nuntiatum, destinatur ad homines omnium gentium accipiendos. (CCE, 543) 15 Quartum mysterium luminosum:Transfiguratio Et post dies sex assumit Iesus Petrum et Iacobum et Ioan nem fratrem eius et ducit illos in montem excelsum seorsum. Et transfiguratus est ante eos; et resplenduit facies eius sicut sol, vestimenta autem eius facta sunt alba sicut lux. (Mt 17, 1-2) Momentanee Iesus Suam gloriam ostendit divinam, Petri sic confirmans confessionem. Etiam ostendit Se, ut intret “in gloriam Suam” (Lc 24,26), per crucem in Ierusalem transire debere. (CCE, 555) 16 Primum mysterium luminosum: Eucharistiae Institutio Cenantibus autem eis, accepit Iesus panem et benedixit ac fregit deditque discipulis et ait: “Accipite, comedite: hoc est corpus meum”. (Mt 26, 26) Iesus, ultimam cum Apostolis Suis celebrans Cenam in decursu Paschalis convivii, Paschati Iudaico sensum tribuit definitivum. Re vera, transitus Iesu ad Eius Patrem per Mortem et Resurrectionem, novum nempe Pascha, in Cena anticipatur et in Eucharistia celebratur quae Pascha Iudaicum adimplet et Pascha Ecclesiae anticipat finale in gloria Regni. (CCE, 1340) 17 Mysteria Gloriosa (in feria quarta et Dominica) Primum mysterium gloriosum: Resurrectio Prima autem sabbatorum, valde dilúculo venerunt ad monumentum portantes, quae paraverant, aromata. Et invenerunt lapidem revolutum a monumento; et ingressae non invenerunt corpus Domini Iesu. Et factum est, dum mente haesitarent de isto, ecce duo viri steterunt secus illas in veste fulgenti. Cum timerent autem et declinarent vultum in terram, dixerunt ad illas: “Quid quaeritis viventem cum mortuis? Non est hic, sed surrexit”. (Lc 24, 1 – 6) “Si autem Christus non suscitatus est, inanis est ergo praedicatio nostra, inanis est et fides vestra” (1 Cor 15,14). Resurrectio imprimis confirmationem constituit omnium quae Christus Ipse fecit et docuit. (CCE, 651) 18 Secundum mysterium gloriosum: Ascensio Et Dominus quidem Iesus, postquam locutus est eis, assumptus est in caelum et sedit a dextris Dei. (Mc 16, 19) Hic ultimus gressus stricte manet unitus primo, id est, descensui de caelis, qui in Incarnatione deductus est in rem. Ille tantum qui “ ex Patre exivit ” potest “ad Patrem redire”: Christus. (CCE, 661) 19 Tertium mysterium gloriosum: Descensus Spiritus Sancti Et cum compleretur dies Pentecostes, erant omnes pariter in eodem loco. Et factus est repente de caelo sonus tamquam advenientis spiritus vehementis et replevit totam domum, ubi erant sedentes. Et apparuerunt illis dispertitae linguae tamquam ignis, seditque supra singulos eorum; et repleti sunt omnes Spiritu Sancto et coeperunt loqui aliis linguis, prout Spiritus dabat eloqui illis. (Act 2, 1 – 4) “Spiritus Sanctus”, tale nomen est proprium Illius quem cum Patre et Filio adoramus et glorificamus. Ecclesia hoc nomen a Domino recepit et id in Baptismate novorum filiorum confitetur suorum. (CCE, 691) 20 Quartum mysterium gloriosum: Assumptio Ecce enim ex hoc beatam me dicent omnes generationes, quia fecit mihi magna, qui potens est, et sanctum nomen eius. (Lc 1, 48 – 49) Beatissima Virgo Maria, peracto suae vitae terrestris cursu, corpore et anima in gloriam caelestem assumpta est, ubi ipsa iam Resurrectionis Filii sui participat gloriam, omnium membrorum corporis Eius anticipans resurrectionem. (CCE, 974) 21 Quintum mysterium gloriosum: Coronátio Beatæ Mariæ Virginis in cælo Et signum magnum apparuit in caelo: mulier amicta sole, et luna sub pedibus eius, et super caput eius corona stellarum duodecim. (Apc 12, 1) “Denique Immaculata Virgo, ab omni originalis culpae labe praeservata immunis, expleto terrestris vitae cursu, corpore et anima ad caelestem gloriam assumpta est, ac tamquam universorum Regina a Domino exaltata, ut plenius conformaretur Filio suo, Domino dominantium ac peccati mortisque victori”. (CCE, 966) 22 Salve Regina S alve, Regina, mater misericordiae, vita, dulcedo, et spes nostra, salve. Ad te clamamus exsules filii Evae. Ad te suspiramus, gementes et flentes in hac lacrimarum valle. Eia, ergo, advocata nostra, illos tuos misericordes oculos ad nos converte. Et Iesum, benedictum fructum ventris tui, nobis post hoc exsilium ostende. O clemens, o pia, o dulcis Virgo Maria! Amen. V. Ora pro nobis, sancta Dei Genetrix. R. Ut digni efficiamur promissionibus Christi. D Oremus eus, cuius Unigenitus per vitam, mortem et resurrectionem suam nobis salutis aeternae praemia comparavit, concede, quaesumus: ut haec mysteria sacratissimo beatae Mariae Virginis Rosario recolentes, et imitemur quod continent, et quod promittunt assequamur. Per eundem Christum Dominum nostrum. Amen. Memorare M emorare, O piissima Virgo Maria, non esse auditum a saeculo, quemquam ad tua currentem praesidia, tua implorantem auxilia, tua petentem suffragia, esse derelictum. Ego tali animatus confidentia, ad te, Virgo Virginum, Mater, curro, ad te venio, coram te gemens peccator assisto. Noli, Mater Verbi, verba mea despicere; sed audi propitia et exaudi. Amen. Litaniæ Lauretanæ B.M.V. Kyrie, eleison. Christe, eleison. Kyrie, eleison. Christe, audi nos. Christe, exaudi nos. Pater de cælis, Deus, R/.miserere nobis. 23 Fili, Redemptor mundi, Deus, Spiritus Sancte, Deus, Sancta Trínitas, unus Deus, Sancta Maria, R/.ora pro nobis. Sancta Dei Génitrix, Sancta Virgo vírginum, Mater Christi, Mater divinæ gratiæ, Mater purissima, Mater castissima, Mater inviolata, Mater intemerata, Mater amábilis, Mater admirábilis, Mater Boni Consilii, Mater Creatoris, Mater Salvatoris, Virgo prudentissima, Virgo veneranda, Virgo prædicanda, Virgo potens, Virgo clemens, Virgo fidelis, Spéculum justitiæ, Sedes sapientiæ, Causa nostræ lætitiæ, Vas spirituale, 24 Vas honorábile, Vas insigne devotionis, Rosa mystica, Turris Davídica, Turris eburnea, Domus aurea, Foederis arca, Ianua cæli, Stella matutina, Salus infirmorum, Refugium peccatorum, Consolatrix afflictorum, Auxilium christianorum, Regina angelorum, Regina patriarcharum, Regina prophetarum, Regina apostolorum, Regina mártyrum, Regina confessorum, Regina vírginum, Regina Sanctorum omnium, Regina sine labe originali concepta, Regina in cælum assumpta, Regina Sacratissimi Rosarii, Regina pacis, Agnus Dei, qui tollis peccata mundi, R/.Parce nobis, Dómine. Agnus Dei, qui tollis peccata mundi, 25 R/.Exaudi nos, Dómine. Agnus Dei, qui tollis peccata mundi, R/.Miserere nobis. V.Ora pro nobis, Sancta Dei Génitrix. R.Ut digni efficiamur promissiónibus Christi. Ángele Dei Á ngele Dei, qui custos es mei, me, tibi commissum pietáte supérna, hodie illúmina, custódi, rege et gubérna. Amen. Angelus V. Angelus Domini nuntiavit Mariae. R. Et concepit de Spiritu Sancto. Ave Maria, gratia plena; Dominus tecum: benedicta tu in mulieribus, et benedictus fructus ventris tui Iesus. * Sancta Maria, Mater Dei ora pro nobis peccatoribus, nunc et in hora mortis nostrae. Amen. V. Ecce ancilla Domini, R. Fiat mihi secundum verbum tuum. Ave Maria, gratia plena; Dominus tecum: benedicta tu in mulieribus, et benedictus fructus ventris tui Iesus. * Sancta Maria, Mater Dei ora pro nobis peccatoribus, nunc et in hora mortis nostrae. Amen. V. Et Verbum caro factum est, R. Et habitavit in nobis. Ave Maria, gratia plena; Dominus tecum: benedicta tu in mulieribus, et benedictus fructus ventris tui Iesus.* Sancta Maria, Mater Dei ora pro nobis peccatoribus, nunc et in hora mortis nostrae. Amen. V. Ora pro nobis, sancta Dei Genetrix, R. Ut digni efficiamur promissionibus Christi. Oremus. Gratiam tuam, quaesumus, Domine, mentibus nostris infunde; ut qui, Angelo nuntiante, Christi Filii tui incarnationem cognovimus, per passionem eius et crucem ad resurrectionis gloriam perducamur. Per eundem Christum Dominum nostrum. R. Amen. 26 Veni Creator Veni, Creator Spiritus, mentes tuorum visita, imple superna gratia, quae tu creasti, pectora. Qui diceris Paraclitus, altissimi donum Dei, fons vivus, ignis, caritas et spiritalis unctio. Tu, septiformis munere, digitus paternae dexterae, Tu rite promissum Patris, sermone ditans guttura. Accende lumen sensibus; infunde amorem cordibus; infirma nostri corporis virtute firmans perpeti. Hostem repellas longius, pacemque dones protinus: ductore sic te praevio vitemus omne noxium. Per Te sciamus da Patrem, noscamus atque Filium; Teque utriusque Spiritum credamus omni tempore. Deo Patri sit gloria et Filio, qui a mortuis surrexit, ac Paraclito in saeculorum saecula. Anima Christi Anima Christi, sanctifica me. Corpus Christi, salva me. Sanguis Christi, inebria me. Aqua lateris Christi, lava me. Passio Christi, conforta me. O bone Iesu, exaudi me. Intra tua vulnera absconde me. 27 Ne permittas me separari a te. Ab hoste maligno defende me. In hora mortis meae voca me. Et iube me venire ad te, Ut cum Sanctis tuis laudem te in saecula saeculorum. Amen Actus Fidei D D D C omine Deus, firma fide credo et confiteor omnia et singula quae sancta ecclesia Catholica proponit, quia tu, Deus, ea omnia revelasti, qui es aeterna veritas et sapientia quae nec fallere nec falli potest. In hac fide vivere et mori statuo. Amen. Actus Spei omine Deus, spero per gratiam tuam remissionem omnium peccatorum, et post hanc vitam aeternam felicitatem me esse consecuturum: quia tu promisisti, qui es infinite potens, fidelis, benignus, et misericors. In hac spe vivere et mori statuo. Amen. Actus Caritatis omine Deus, amo te super omnia et proximum meum propter te, quia tu es summum, infinitum, et perfectissimum bonum, omni dilectione dignum. In hac caritate vivere et mori statuo. Amen. Confiteor onfiteor Deo omnipotenti, beatae Mariae semper Virgini, beato Michaeli Archangelo, beato Ioanni Baptistae, sanctis Apostolis Petro et Paulo, et omnibus Sanctis, quia peccavi nimis cogitatione, verbo et opere: mea culpa, mea culpa, mea maxima culpa. Ideo precor beatam Mariam semper Virginem, beatum Michaelem Archangelum, beatum Ioannem Baptistam, sanctos Apostolos Petrum et Paulum, et omnes Sanctos, orare pro me ad Dominum Deum nostrum. Amen. Actus Contritionis D eus meus, ex toto corde paenitet me omnium meorum peccatorum, eaque detestor, quia peccando, non solum poenas a Te iuste statutas promeritus sum, sed praesertim quia offendi Te, summum bonum, ac dignum qui super omnia diligaris. Ideo firmiter propono, adiuvante gratia Tua, de cetero me non peccaturum peccandique occasiones proximas fugiturum. Amen 28 Benedictio Ante Mensam B enedic, Domine, nos et haec tua dona quae de tua largitate sumus sumpturi. Per Christum Dominum nostrum. Amen. Ante prandium: Mensae caelestis participes faciat nos, Rex aeternae gloriae. Amen. Ante cenam: Ad cenam vitae aeternae perducat nos, Rex aeternae gloriae. Amen. Benedictio Post Mensam A gimus tibi gratias, omnipotens Deus, pro universis beneficiis tuis, qui vivis et regnas in saecula saeculorum. Amen. V. Deus det nobis suam pacem. R. Et vitam aeternam. Amen 29 Litania Humilitatis Iesu, mitis et humilis corde, exaudi me A cupiditate, ut amer, libera me Domine A cupiditate, ut exalter, libera me Domine A cupiditate, ut honorer, libera me Domine A cupiditate, ut lauder, libera me Domine A cupiditate, ut aliis praeferar, libera me Domine A cupiditate, ut consular, libera me Domine A cupiditate, ut approber, libera me Domine A timore, ne humilier, libera me Domine A timore, ne spernar, libera me Domine A timore, ne contemnar, libera me Domine A timore, ne calumniam feram, libera me Domine A timore, ne oblivioni tradar, libera me Domine A timore, ne irridear, libera me Domine A timore, ne iniuriam accipiam, libera me Domine A timore, ne suspiciar, libera me Domine Ut alii magis amentur quam ego, Iesu, da mihi gratiam desiderandi Ut alii magis aestimentur quam ego, Iesu, da mihi gratiam desiderandi Ut alii extollantur in mundi existimatione, ego autem minuar, Iesu, da mihi gratiam desiderandi Ut alii eligantur, ego autem omittar, Iesu, da mihi gratiam desiderandi Ut alii mihi in omnibus rebus praeferantur, Iesu, da mihi gratiam desiderandi Ut alii sanctiores me sint, quamquam ego sum tam sanctus quam esse possum, Iesu, da mihi gratiam desiderandi Oratio Ante Studium Creator ineffabilis, qui de thesauris sapientiae tuae tres Angelorum hierarchias designasti, et eas super caelum empyreum miro ordine collocasti, atque universi partes elegantissime disposuisti, tu, inquam, qui verus fons luminis et sapientiae diceris, atque supereminens principium: infundere digneris super intellectus mei tenebras tuae radium claritatis, duplices, in quibus natus sum, a me removens tenebras, peccatum, scilicet, et ignorantiam. Tu, qui linguas infantium facis disertas, linguam meam erudias, atque in labiis meis gratiam tuae benedictionis infundas. Da mihi intelligendi acumen, retinendi capacitatem, addiscendi modum et facilitatem, interpretandi subtilitatem, loquendi gratiam copiosam; ingressum instruas, progressum dirigas, egressum compleas. Tu qui es verus Deus et homo. Qui vivis et cetera. 30 Gloria in excelsis Gloria in excelsis Deo, et in terra pax hominibus bonae voluntatis. Laudamus Te, benedicimus Te, adoramus Te, glorificamus Te, gratias agimus Tibi propter magnam gloriam Tuam, Domine Deus, Rex Caelestis, Deus Pater Omnipotens. Domine Fili Unigenite, Iesu Christe, Domine Deus, Agnus Dei, Filius Patris. Qui tollis peccata mundi, miserere nobis. Qui tollis peccata mundi, suscipe deprecationem nostram. Qui sedes ad dexteram Patris, miserere nobis. Quoniam Tu solus Sanctus, Tu solus Dominus, Tu solus Altissimus, Iesu Christe. Cum Sancto Spiritu in gloria Dei Patris. Amen. Symbolum Nicaenum Credo in unum Deum, Patrem omnipoténtem, factorem cæli et terræ, visibílium ómnium et invisibílium. Et in unum Dóminum Iesum Christum, Fílium Dei unigénitum, et ex Patre natum, ante ómnia sæcula. Deum de Deo, lumen de lúmine, Deum verum de Deo vero, génitum, non factum, consubstantiálem Patri: per quem ómnia facta sunt. Qui propter nos hómines et propter nostram salútem descéndit de cælis. Et incarnátus est de Spíritu Sancto ex María Vírgine, et homo factus est. Crucifíxus étiam pro nobis sub Póntio Piláto; passus et sepúltus est, et resurréxit tértia die, secúndum Scriptúras, et ascéndit in cælum, sedet ad déxteram Patris. Et íterum ventúrus est cum glória, iudicáre vivos et mórtuos, cuius regni non erit finis. Et in Spíritum Sanctum, Dóminum et vivificántem: qui ex Patre Filióque procédit. Qui cum Patre et Fílio simul adorátur, et conglorificátur: qui locútus est per Prophétas. Et unam, sanctam, cathólicam et apostólicam Ecclésiam. Confíteor unum baptísma in remissiónem peccatorum. Et expecto resurrectionem mortuorum, et vitam ventúri sæculi. Amen. 31